ဆိုးဆိုးရွားရွား လှုပ်ခတ်ခဲ့တဲ့ ငလျင်ကြီးကြောင့် လူထောင်ပေါင်းများစွာသေဆုံးခဲ့ရတဲ့ အတွက် စစ်ကောင်စီဟာ တစ်ပတ်တိတိ ဝမ်းနည်းကြောင်း ကြေညာတယ် ဆိုပြီးထုတ်ပြန်ခဲ့ပါတယ်။
တစ်ဖက်မှာလည်း လေကြောင်း နဲ့ လက်နက်ကြီးတိုက်ခိုက်မှုတွေကို ပြုလုပ်နေပြီး စစ်ပွဲ ဖြစ်ပွားခြင်းမရှိတဲ့ အရပ်သားကျေးရွာတွေကို လေကြောင်း နဲ့ နေဗီက တိုက်ခိုက်လျှက်ရှိပါတယ်။
မတ်လ ၃၀ ရက်မှာ ကျောက်ဖြူမြို့နယ် ၊ ကုလားဘာရွာကိုလေကြောင်းက ဗုံးကြဲခဲ့သလို ၊ မတ်လ ၃၁ ရက်မှာ ကျောက်ဖြူမြို့နယ် ဇင်ချောင်းကျေးရွာကို ရေတပ်က လက်နက်ကြီးနဲ့ ပစ်ခတ်ခဲ့ပါတယ်။
“ရေတပ်က ပစ် တာက ရွာထဲ ကို တစ်လုံး ၊ ဘုန်းကြီးကျောင်းကို တစ်လုံး ၊ လမ်းမကြီးကို တစ်လုံးကျတယ်၊ ဆရာတော် ပျံတော်မူတယ်။ နောက်ပြီး အရပ်သား တစ်ဦးသေဆုံးပါတယ် “ လို့ သတင်းရင်းမြစ်က လေးဝတီ FM ကို ပြောပါတယ်။
ဆက်ပြီးတော့ ဧပြီ ၁ ရက်နေ့ မနက်အစောပိုင်းမှာ မြောက်ဦးမြို့ကို လေကြောင်းက လာရောက်ဗုံးကြဲခဲ့ပြီး အမျိုးသား တစ်ဦးသေဆုံးခဲ့ပါတယ်။
“မြောက်ဦးမှာတော့နေရာ လေးခု ကို ဗုံးကြဲသွားတာပါ ၊ အမျိုးသား တစ်ဦးသေဆုံးပါတယ်” လို့ သတင်းရင်းမြစ်က ပြောပါတယ် ။
စစ်ကောင်စီ ခေါင်းဆောင်မင်းအောင်လှိုင်ဟာ သဘာဝဘေး ကာကွယ်ရေး စီမံချက်တွေကို ညွှန်ကြားနေတဲ့ ပုံတွေ နဲ့ ဝါဒဖြန့်ထားပေမယ့်
သဘာဝဘေးကဲ့သို့ လူစုလူဝေးနဲ့ သေဆုံးနိုင်တဲ့ လက်နက်တွေကို ဖောဖောသီသီ အသုံးပြု နေတာဖြစ်ပါတယ်။
ဓာတ်ပုံ -ပုံဟောင်း
