စစ်ကောင်စီဟာ ၂၀၂၅ ဇန်နဝါရီလ ကနေ အခု စက်တင်ဘာလ အထိ ကိုးလတာကာလအတွင်းမှာ ရခိုင်ပြည်က တိုက်ပွဲဖြစ်ပွားခြင်းလုံးဝမရှိတဲ့ အရပ်သားပြစ်မှတ်များကိုသာ ပစ်မှတ်ထားနေတာကို တွေ့ရှိရပါတယ်။

လေကြောင်းတိုက်ခိုက် ခံရတဲ့ မြို့တွေဟာ ၂၀၂၄ ခုနှစ် အစောပိုင်းကတည်းက သိမ်းပိုက်ခံထားရပြီး စစ်ကော်မရှင် တပ်တွေ တပ်ဆုပ်သွားရတဲ့ မြို့တွေလည်းဖြစ်ပါတယ်။

အခုရက်ပိုင်းမှာ ပြုလုပ်ခဲ့တဲ့ လေကြောင်းတိုက်ခိုက်မှုဟာ ပိုမိုသိသာထင်ရှားခဲ့ပြီး ကျောက်တော်မြို့က ကိုယ်ပိုင်အထက်တန်းကျောင်း နှစ်ခုကို ထိမှန်ခဲ့တာလည်းဖြစ်ပါတယ်။

အဆောင်နေ ကျောင်းသား ကျောင်းသူ စုစုပေါင်း ၁၉ ဦးသေဆုံးခဲ့ပြီး ၂၂ ဦး ဒဏ်ရာ ရရှိခဲ့ပါတယ်။

ဒီမတိုင်ခင်ကလည်း မြောက်ဦးမြို့ မှာ အလှူလုပ်ဖို့ ပြင်ဆင်နေတဲ့ နေအိမ်ကို ဂျက်ဖိုက်တာနဲ့ တိုက်ခိုက်ခဲ့ပြီး ကလေးငယ်တွေ အပါအဝင် အရပ်သား ၂၀ ဦးသေဆုံးခဲ့ရပါတယ်။

ကိုးလတာ ကာလ အတွင်းမှာ မြောက်ဦးနဲ့ ကျောက်တော်မြို့ကို အနည်းဆုံး နှစ်ကြိမ်ထက်မနည်း လ, အနည်းငယ် ခြားပြီးတိုက်ခိုက်တာကိုတွေ့ရှိရပါတယ်။

အဲ့ဒီမြို့တွေမှာ စစ်ပွဲကြောင့်တိမ်းရှောင်သွားရတဲ့ ပြည်သူတွေ တစ တစ ပြန်ဝင်လာချိန် ၊ ပြန်လည်ထူထောင်ရေး လုပ်ကိုင်ချိန်မှာ အချိန်ကောင်းကို စောင့်ပြီး စစ်ကော်မရှင်ဘက်က လေကြောင်းတိုက်ခိုက်မှုတွေ ဆက်တိုက်ပြုလုပ်လာတာ ပဲဖြစ်ပါတယ်။

စစ်ကောင်စီလေကြောင်းတိုက်ခိုက်ခဲ့တဲ့ နေရာတွေဟာ ဈေးတွေ ၊ စာသင်ကျောင်းတွေ ၊ ဘုန်းကြီးကြောင်းတွေနဲ့ အရပ်သားတွေ စုဝေးရှိနေတဲ့ နေရာတွေကို အဓိက ပစ်မှတ်ထားလာတာ ဖြစ်ပါတယ်။

လေးဝတီ FM