ရခိုင်ပြည်နယ် အမ်းမြို့နယ် အနီးက ကျေးရွာတွေဟာ ဧပြီ ၇ ရက်နေ့ကစစ်ကောင်စီရဲ့
လေကြောင်းက ဗုံးကျဲတိုက်ခိုက်ခြင်းကိုခံရပြီး ဒေသခံ အမျိုးသမီး အမျိုးသား
နှစ်ဆယ်ကျော်ဟာ ထိခိုက်ဒဏ်ရာ ရရှိခဲ့တယ်လို့ အမ်းဒေသ သတင်းရင်းမြစ်က သိရ ပါတယ်။
အမ်းမြို့နယ် ကြောင်ဖြူကွင်းကျေးရွာ၊ ရွာသစ်ကျေးရွာ၊ ဂွေးကိုင်းကျေးရွာ ၊
ပျဉ်တောင်ကြီးကျေးရွာ တို့ကို နေ့လည် ၁၂ နာရီ ဝန်းကျင်မှာ တစ်ကြိမ် ၊ ညနေ
လေးနာရီဝန်းကျင်မှာ တစ်ကြိမ်တိုက်ခိုက်ခဲ့ပြီး အရပ်သားနေအိမ် အရေအတွက် သုံးဆယ်ခန့်
ထိမှန်ပျက်စီးခဲ့တယ်လို့ သိရပါတယ်။
\”တကယ်အင်အားနဲ့ ထိုးစစ်ဆင်နေတဲ့ နေရာတိုင်းမှာ ရှုံးနေတော့ ရခိုင်ရွာတွေကို AA နဲ့
ဆက်စပ်တယ်ဆိုပြီး ပစ်မှတ်ထားနေတာဖြစ်ပါတယ်၊ ကလေး နှစ်ယောက်ထိ တယ် ၊ လူကြီးတွေ
လည်းထိတယ် စုသုပေါင်း လူ ၂၀ လောက် ဆေးရုံ ပို့ရတယ် “ လို့
အမ်းဒေသခံတစ်ဦးကပြောပါတယ်။
အမ်းမြို့ပေါ်မှာ အနောက်ပိုင်းတိုင်း စစ်ဌာန ချုပ် အခြေစိုက်ထားပြီး အမ်းရိုးမ အနီးမှာလည်း
ရခိုင့်တပ်တော် AA နဲ့ စစ်ကောင်စီတို့ အပြင်းအထန် တိုက်ပွဲ ဖြစ်ပွားနေပါတယ်။
တစ်ရက်တည်းမှာပဲ သံတွဲမြို့ အနီးမှာ ရပ်နားထားတဲ့ရေတပ်သင်္ဘောတွေက သံတွဲ-တောင်ကုတ်
ကြားက ကျေးရွာတွေကို လက်နက်ကြီးနဲ့ အကြိမ်ပေါင်းများစွာ ပစ်ခတ်ခဲ့ပါတယ်။
လေးလ အတွင်းမှာ တိုက်ပွဲတွေကြောင့်လို့ ဒေသခံ သေဆုံးမှုဟာ နှစ်ရာနီးပါးရှိလာခဲ့ပြီး
နေရပ်စွန့်ခွာထွက်ပြေးရသူအရေအတွက်ဟာလည်း သုံးသိန်းကျော်ရှိပြီဖြစ်ပါတယ်။
အမ်းမြို့အနီးက ကျေးရွာတွေကို လေကြောင်းက ဗုံးကျဲ ၊ကျေးရွာလေးရွာမှ ဒေသခံ အများအပြား လက်နက်ထိမှန် ဆေးရုံရောက်
заклепка вытяжная 3.2 вытяжные резьбовые заклепки